МЗС: дыпламатычныя прадстаўніцтвы дапамогуць беларусам, якія застраглі за мяжой
"Міністэрства замежных спраў рэкамендуе беларускім грамадзянам, якія апынуліся ў такой сітуацыі, звяртацца па дапамогу ў замежныя ўстановы Беларусі з мэтай урэгулявання магчымых праблем, звязаных з заканчэннем тэрмінаў іх легальнага знаходжання ў замежных дзяржавах", гаворыцца ў паведамленні МЗС Беларусі, якое было распаўсюджана 20 красавіка.
"У выпадку адсутнасці замежнай установы Беларусі ў краіне, дзе знаходзяцца беларускія грамадзяне, просім звяртацца ў адпаведныя дыппрадстаўніцтвы Расійскай Федэрацыі", - дадалі ў міністэрстве.
Кантактную інфармацыю беларускіх дыпламатычных прадстаўніцтваў можна атрымаць тут.
Раней Тэлеграф паведаміў, што ўначы з 19 на 20 красавіка вывяржэнне вулкана ў Ісландыі працягвалася, і ён выкінуў вялікую колькасць лавы, попелу і пылу. У выніку запланаванае на раніцу 20 красавіка аднаўленне авіязносін у Вялікабрытаніі і іншых еўрапейскіх краінах застаецца пад пытаннем.
